Қазақстандағы зағип және нашар көретін адамдарға арналған мұражай экскурсиясының ерекшеліктері: мұражай кеңістігін бейімдеудің инновациялық әдістері

Аннотация

Мақала авторы қазіргі қоғамның маңызды мәселесі – барлық азаматтарға, соның ішінде көру қабілеті бұзылған адамдарға тең мүмкіндіктер жасау мәселесін қозғайды. Барлық саяхатшыларға физикалық және психикалық ерекшеліктеріне қарамастан бірдей жайлылықты қамтамасыз ететін инклюзивті туризм бүкіл әлемде қарқын алуда. Қоғамдық сананы қалыптастыру және мәдени мұраны сақтау алаңы болып табылатын мұражайлар әлеуметтік-мәдени мекеме ретінде туристер, соның ішінде зағиптар мен нашар көретіндер үшін маңызды нысанға айналуда. Жұмыста зағип және нашар көретін келушілер үшін мұражай кеңістігінің қолжетімділігі мен бейімделуін қамтамасыз ету бастамалары сипатталған, оның ішінде тактильді модельдер, аудио түсініктемелер, аудио гидтер және т.б. көмегімен экскурсиялар өткізу. Орналасқан жерді таңдауды, маршрутты жоспарлауды және инклюзивті келушілерді қабылдау үшін қажетті жағдайлары бар мұражайларды таңдауды ескере отырып, көру қабілеті нашар адамдар үшін мұражай экскурсияларын өткізу ерекшеліктеріне назар аударылады.